Mishto avilan ka Albaro Languages, kaj specialisarel-pe and-o amboldipe, interpretisaripe thaj sikljaripe le albanikane, rumunikane, rromane, vaskicke thaj katalanicke chibjange.

 


 

Mishto avilan ka ALBARO!

 

ALBARO (le duj anglune grafeme pe anglikani chib le trine sherutne chibjange ande savende me specialisarav: ALbanian, BAsque thaj ROmanian) chachimasa si Chris Hughes, jekh linguisto mai but desar bish thaj panzh bershenge eksperiencasa thaj le anglikane chibjasa sar dajaki chib. Me specialisarav and-o amboldipe thaj interpretisaripe le albanikane, vaskicke, rumunikane, rromane, katalanicke thaj shpanjolicke chibjange, thaj feri o (xramosardo) amboldipe le olandicke, portugalicke, galiciake thaj le afrikaanse chibjange, sar vi le esperantoske. Sa kadja sikljarav avrutne chibja profesionalnone linguisturenge.

 

Le sherutne teme ande savende me specialisarav si: reklamacija/relacie le publikosa, raimata/politika, zhurnalismo, le thama/stifikaturja, generalno medicinageneralno komerso thaj linguistika, numa te si tumen jekh verver mangipe ande jekhe le opre-phende chibjandar, kam diskutisarav les tumensa bare ilesa kashte afliskerav ako shaj zhutiv tumen. Prozhekturja save agorisardem len na domultanes si: e transkripcija thaj o amboldipe televizhonoske intervisturengo ande vaskicke chib, o amboldipe katar e rumunicka ande anglikani chib medijake lilengo thaj komunikacijengo vash jekh mashkarthemutni sigurancijaki firma, o amboldipe albanicke pushimaske lilengo kaj dikhen medichne kondicije, o amboldipe katar e katalanicka ande anglikani chib ververutne thamikane dokumenturjengo, o amboldipe vorbimatengo thaj prezentacijengo katar e vaskicka  ande anglikani chib thaj o amboldipe katar e albanicka ande anglikani chib drafto-zakonurjengo vash o Konsilo le Evropako, thaj jekh-pal'avresko interpretisaripe ande albanikani chib vash e policija.

 

Ljem e nagrada MBE ando junio le 2006e bershesko vash servisurja ande avrutne chibja ando britanikano raipe thaj sem somdasno le Chartered Institute of Linguists-esko (CIoL).

 

Nedezhdi-ma ke tume arakhen sa so roden ande le Albaroske internetoske patrja! 


Chris Hughes MBE, M.A., MCIL 

 

 Mirë se erdhët! Bine aţi venit! Ongi etorri!

 

Benvinguts! Benvidos! Mishto avilan!