Bonvenon al Albaro Languages, kiu specialiĝas en la tradukado, interpretado kaj instruado de la albana, rumana, eŭska kaj kataluna.


 

Bonvenon al ALBARO!

 

ALBARO (vorto kiu signifas samtempe inventitan hispanan vorton kaj la du unuajn anglalingvajn literojn de la ĉefaj lingvoj en kiuj mi specialiĝas: ALbanian, BAsque kaj ROmanian) precize estas Chris Hughes, lingvisto (kaj lingvemulo) kun pli ol dudekjara sperto kaj la angla kiel denaska lingvo. Mi specialiĝas en la tradukado kaj interpretado de la albana, eŭska, rumana, kataluna kaj la kastilia, kaj nur la tradukado de la nederlanda, portugala, galega, afrikansa kaj esperanto. Mi ankaŭ instruas fremdajn lingvojn al profesiaj lingvistoj.

 

Ĉefaj temoj en kiuj mi specialiĝas estas: reklamado/publikaj rilatoj, registaroj/politiko, ĵurnalismo, la leĝo/atestoj, ĝenerala medicino, ĝenerala komerco kaj lingvistiko, sed se vi havas alian peton en unu el miaj lingvoj, mi bonvole diskutos ĝin kun vi por konstati ĉu mi povas helpi vin. Projektoj kiujn mi entreprenis lastatempe inkluzivas: la transskribadon kaj tradukadon de televidaj intervjuoj en la eŭska lingvo, la tradukadon el la rumana al la angla lingvo de gazetaraj komunikaĵoj por internacia asekura kompanio, la tradukadon de albanaj demandaroj pri spiradaj kondiĉoj, la tradukadon el la kataluna al la angla lingvo de diversaj juraj dokumentoj, la tradukadon el la eŭska al la angla lingvo de oratoraĵoj kaj prezentadoj kaj la tradukadon el la albana al la angla lingvo de malnetaj leĝoj por la Konsilio de Eŭropo, kaj sinsekvan interpretadon de la albana lingvo por la polico.

 

Mi ricevis la premion MBE en junio 2006 pro fremdaj lingvaj servoj provizitaj al la brita registaro kaj mi estas membro de la Chartered Institute of Linguists (CIoL). Krome mi estas diplomito de la Esperanto-Asocio de Britio ek de 1987.

 

Mi esperas ke vi trovu tion, kion vi serĉas en la retpaĝoj de Albaro!

 

 

Chris Hughes MBE, M.A., MCIL

 



Mirë se erdhët! Bine aţi venit! Ongi etorri!

 

Benvinguts! Benvidos! Bonvenon!